2015-12-21 00:00:00 - 淡市勇字當頭 結好老闆開地產代理舖

近期二手樓市死寂，好多地產代理都叫苦連天，有地產代理公司為削減開支，仲諗緊收縮分行計劃，偏偏呢個時候都有人心口掛個勇字，走去開地產代理行。做開證券行嘅結好控股（064）老闆洪漢文新近就做埋地產代理生意，喺柯士甸道租咗個舖，開第一間結好置業，噚日開張大吉。聽講，洪老闆做埋地產代理生意，都唔係淨係諗住幫人放盤、搵盤，而係計劃提供一條龍服務，即係可能做埋二按、三按之類。加上結好控股今年9月已經向聯交所提出申請，分拆結好金融喺主板上市，洪老闆希望分拆咗金融業務後，結好控股就主力做其他生意。